好勁～一日寫兩篇網誌！因為預見下星期開始，就要投入處理新一年的捐款申請，屆時絕對不能再在辦公時間抽空寫作，所以把握這一個悠閒星期五，寫下近來的頊事。
想買相機……因為想影靚D嘅相。其實我對攝影的興趣未至於好濃厚，我想影的目標只有一個，就是熊貓～（唔……咁好似好衰，其實家人同朋友都係我想影的目標啦～）之前去成都雖然問媚姨借了部單反，但因為鏡頭問題，結果我用回自己部傻瓜機，反而拍得更漂亮。上兩個月去澳門睇熊貓，又係因為部相機ZOOM唔到，錯失了拍熊貓的機會（好難得隻熊貓走出來坐在我面前！）。呀～我真係好想影到隻熊貓大到連牠的鼻哥窿都睇到！！以我多年收集熊貓相片的經驗，大頭熊貓相才是最漂亮的啊！但我手上的那一部卻不能做到這個效果。
另一個促使我想換機的原因……其實是因為想要一部靚D嘅相機！我指外觀上。係，我認我有時都幾膚淺，但係OLYMPUS新款可換鏡頭的那一款真的好漂亮啊！白色的啊！（我發現自己原來很喜歡白色的電子產品。）想想把它掛在頸項上，是多麼時尚的啊！
於是，在我還沒有暸解清楚它的規格和性能之時，我已經覺得這部相機很合我用。當我向相機達人甘大滋求助時（其實只是問他抵唔抵），他告訴我如果我想影熊貓大頭相，是需要另外買鏡頭，而那個鏡頭的價值竟然是$5,XXX，比相機本身還要貴…….
夢醒夢碎。
幸好南丁說她有一部可以ZOOM得好近的相機，那五月去旅行就拜託她帶去，就可以影到D樹熊的大頭相啦～
沒有留言:
張貼留言