唔去

下午時分，聽了一通電話，對方又說了一些「自以為好暸解我，其實只是把她的價值觀放在我身上」的話，害我真想立即切她的線，也沒有心機再跟她說下去。好煩囉，我有權決定去唔去囉，唔去咪唔去囉，差人拉咩？

可能我又太快跳去結論，或者她真的好想我去呢？就算她認為我這個決定是基於什麼而作（在她眼中應該就是我的性格缺憾吧！），我都唔覺得這個決定有什麼問題。我是我，不是你。你認為好的東西，不代表我也一樣要趨之若鶩。再說，我唔去係未真係咁大影響先？又唔會世界末日，其實你可唔可以尊重一下我的決定？我都唔奢求你明白和暸解我為何這樣想，我只係希望你唔好用你的價值觀去判斷之後，又逼我承認和認同你的想法。亦都請你唔好因為我一個決定，就自行幫我歸納結論我的行為模式和為人，尤其係其實你一點也不暸解我。就算我真係猶如你想的不堪，又如何？因為我是陳青雲，所以我決定唔去。亦都因為我決定唔去，我才是陳青雲。

我知道什麼選擇會讓我感到最自在，也明白自己為何這樣會作出這樣的選擇，其實就夠啦。人生有幾多個十年，點解我唔可以過自己喜歡的生活，做自己喜歡的事呢？只要唔係傷天害理、超乎道德標準、害己害人，我真係唔明白點解我同你/其他人不一樣，你就要覺得我好怪呢，還要擺出一副「你點解會咁架？」的樣子。


想得通這一點，盼望下一步就係，我可以笑笑口、寬容地接受和聆聽你下一次的意見和想法。